OSK Sádi-Bek Túgeldi kandıdattyq talaptarǵa saı dep jarııalady
Qaýly jobasyn usynǵan QR Ortalyq saılaý komıssııasynyń múshesi Baqyt Meldeshev 2019 jyldyń 22 sáýirinde «Qazaqstan Respýblıkasyndaǵy saılaý týraly» QR Konstıtýtsııalyq zańynyń 55-babyna sáıkes, «Uly dala qyrandary» respýblıkalyq qoǵamdyq mádenı-áleýmettik birlestigi Sádi-Bek Túgeldi prezıdenttikke kandıdat retinde usynýyna baılanysty onyń tıisti qujattaryn QR Ortalyq saılaý komıssııasyna usynǵanyn eske saldy.
Ortalyq saılaý komıssııasy kandıdat Sádi-Bek Túgeldiń Konstıtýtsııada jáne «Qazaqstan Respýblıkasyndaǵy saılaý týraly» Konstıtýtsııalyq zańda belgilengen talaptarǵa sáıkestigin tekserýge járdemdesýi úshin ýákiletti memlekettik organdarǵa suraý saldy jáne tıisti málimetter aldy.
2019 jyldyń 24 sáýirinde QR Ortalyq saılaý komıssııasynda Sádi-Bek Túgeldiń memlekettik tildi erkin meńgergenin anyqtaý jóninde lıngvıstıkalyq komıssııanyń otyrysy ótti jáne komıssııa úmitkerdiń memlekettik tildi erkin meńgergeni jóninde sheshim qabyldady.
Sonymen birge, Ortalyq saılaý komıssııasy Іshki ister mınıstrliginiń Kóshi-qon qyzmeti komıtetiniń málimetteri negizinde Sádi-Bek Túgeldiń Qazaqstanda týǵanyn, QR azamaty ekenin, sońǵy 15 jylda Qazaqstanda turǵanyn anyqtady. Onyń joǵary bilimi bar, sottalmaǵan, sybaılas jemqorlyq boıynsha jaýapqa tartylmaǵan, belsendi saılaý quqyǵyna ıe jáne memlekettik qyzmette jáne saılanbaly laýazymdarda keminde 5 jyl jumys tájirıbesi bar.
QR OSK qabyldaǵan qaýlynyń 1-tarmaǵynda úmitker Sádi-Bek Túgeldiń QR Konstıtýtsııasyna jáne «Qazaqstan Respýblıkasyndaǵy saılaý týraly» QR Zańynda qoıylǵan talaptarǵa saı keletini aıtylǵan.
Ekinshi tarmaqta oblystardyń, respýblıkalyq mańyzy bar qalalardyń, Qazaqstan Respýblıkasy astanasynyń saılaý komıssııalaryna Qazaqstan Respýblıkasynyń Prezıdenttigine kandıdatty qoldap qol jınaýǵa arnalǵan qol qoıý paraqtaryn Sádi-Bek Túgelge berý tapsyrylǵan.
