OSK Prezıdenttikke kandıdattar Mels Eleýsizov pen Ǵanı Qasymovtyń ótinishterin qanaǵattandyrdy
ASTANA. 19 naýryz. QazAqparat /Aıdar Ospanalıev/ - «Ortalyq saılaý komıssııasy Prezıdentikke kandıdattar Mels Eleýsizov pen Ǵanı Qasymovtardyń máselelerin sheshýge yqpal etti»,-dep málimdedi búgin Ortalyq saılaý komıssııasynyń múshesi Lázzat Súleımen.
Bul týraly ol búgin 2011 jyldyń 3 sáýirine taǵaıyndalǵan kezekten tys Prezıdent saılaýyndaǵy aqparattyq daýlardy qaraý jónindegi qoǵamdyq keńestiń kezekti otyrysynda málim etti.
Esterińizge sala keteıik, Prezıdentikke kandıdattar Mels Eleýsizov pen Ǵanı Qasymov Ortalyq saılaý komıssııasyna ózderiniń bılbordtaryn Astana men Almaty qalalarynda jáne elimizdiń oblystarynda jedeldetip ornalastyrý isine kómektesýdi suraǵandyǵy jóninde osyǵan deıin habarlanǵan bolatyn.
«Qazirgi tańda Ortalyq saılaý komıssııasynyń yqpalymen atalǵan eki kandıdattyń esebinen barlyǵy 100 bılbord daıyndalýda. OSK 19 naýryzǵa taman olardy Astana men Almaty qalalarynda jáne elimizdiń ózge de oblystarynda ornalastyrýǵa yqpal etedi»,-dep atap kórsetti ol.
