OSK Prezıdenttikke kandıdat Ǵ.Qasymov pen M.Eleýsizovke kýálikter tapsyrdy
ASTANA. 3 aqpan. QazAqparat /Aıdar Ospanalıev/ - Búgin Ortalyq saılaý komıssııasy 3 sáýirge belgilengen kezekten tys Prezıdent saılaýyna kandıdat retinde tirkelgen senator Ǵanı Qasymov pen «Tabıǵat» ekologııalyq odaǵynyń tóraǵasy Mels Eleýsizovke Prezıdenttikke kandıdattyǵyn rastaıtyn kýálikter tapsyrdy.
Esterińizge sala keteıik, 3 sáýirge belgilengen kezekten tys Prezıdent saılaýyna barlyǵy 4 kandıdat qatysatyn bolady. Olar: Elbasy Nursultan Nazarbaev, Qazaqstannyń Halyqtyq Kommýnıstik partııasynyń hatshysy Jambyl Ahmetbekov, senator Ǵanı Qasymov pen «Tabıǵat» ekologııalyq odaǵynyń tóraǵasy Mels Eleýsizov. Búgin kandıdattardyń saılaýaldy úgit-nasıhat jumystary bastaldy. Bul naýqan 1 sáýir kúngi túngi saǵat 24-00-ge deıin jalǵasatyn bolady.
