OSK Parlament Májilisi depýtattary saılaýynyń aldyn ala qorytyndysyn saılaý ótken kúnniń ertesinde-aq shyǵarmaq
ASTANA. 14 qańtar. QazAqparat /Aıdar Ospanalıev/ - Parlament Májilisi depýtattary saılaýynyń aldyn ala qorytyndysy saılaý ótken kúnniń ertesine shyǵady.
Bul týraly búgin Islam yntymaqtastyǵy uıymy delegatsııasynyń ókilderimen kezdesý barysynda Ortalyq saılaý komıssııasy tóraǵasynyń orynbasary Vladımır Foos aıtty.
Onyń sózinshe, Ortalyq saılaý komıssııasy Májilis depýtattary saılaýynyń qorytyndysyn 22 qańtarǵa qaraı shyǵaryp, qorytyndyny 25-ine deıin jarııalaýy tıis bolatyn.
«Alaıda biz Májilis depýtattarynyń qyzmetterine jedeldetip kirisýlerin qamtamasyz etý úshin qorytyndyny múmkindiginshe qysqa merzimde shyǵarýǵa tyrysamyz. Sondyqtan saılaýdyń aldyn ala qorytyndylaryn biz saılaý ótken kúnniń erteńine shyǵaramyz», - dedi OSK tóraǵasynyń orynbasary.
Sondaı-aq ol kezdesý barysynda halyqaralyq uıym ókilderin elde ótetin saılaý naýqanynyń barysymen jáne daıyndyq jumystarymen tanystyrdy.
