OSK-nyń azamattardyń qoldarynyń rastyǵyn tekserý nátıjeleri týraly qorytyndy hattamasy Elbasyǵa joldanady
ASTANA. 13 qańtar. QazAqparat /Marlan Jıembaı/ - QR Ortalyq saılaý komıssııasynyń Elbasy ókilettigin uzartý jónindegi referendýmdy qoldaǵan 5 mln. 16 myń azamattyń qoldarynyń rastyǵyn tekserý nátıjeleri týraly qorytyndy hattamasy Memleket basshysyna joldanady. Bul týraly búgin Astanada Ortalyq saılaý komıssııasynyń tóraǵasy Qýandyq Turǵanqulov málim etti.
«Respýblıkalyq referendým týraly» Konstıtýtsııalyq zańnyń 16-babynyń 2-tarmaǵyna sáıkes, respýblıkalyq referendým ótkizý týraly usynys pen OSK-nyń azamattardyń qoldarynyń rastyǵyn tekserý nátıjeleri týraly qorytyndy hattamasy Qazaqstan Respýblıkasynyń Prezıdentine joldanatyn bolady», - dedi ol.
Onyń atap ótýinshe, atalǵan qujat 1-2 kúnniń ishinde Memleket basshysyna jiberilmek.
Sondaı-aq Q.Turǵanqulovtyń aıtýyna qaraǵanda, Ortalyq saılaý komıssııasy qol qoıý paraqtaryn jáne azamattardyń qoldaryn jınaý nátıjeleri boıynsha qorytyndy hattamalardy saqtaý tártibi men merzimderi týraly qaýly da qabyldady.
