OSK músheleri shet memleketterdiń ortalyq saılaý organdary ókilderimen kezdesti
Qazaqstan Respýblıkasy Parlamenti Májilisi jáne máslıhattary depýtattarynyń kezekti saılaýyn baıqaýǵa shet memleketterdiń - Armenııa, Moldova, Reseı Federatsııasy, Túrkııa, Belarýs, Ázerbaıjan, Tájikstan, Ózbekstan, Qyrǵyzstan, Rýmynııa, Vengrııa, Grýzııa, Úndistan, Mońǵolııa, Túrikmenstan jáne Fılıppın - 16 ortalyq saılaý organynan ókilderi keldi.
QR OSK tóraǵasy Nurlan Ábdirov quttyqtaý sózinde kezdesýge qatysýshylarǵa Qazaqstan Respýblıkasynyń saılaý naýqanyn baıqaýǵa qatysqany úshin alǵys bildirdi. Sondaı-aq, bul saılaýdy ázirleý men ótkizý salasyndaǵy sarapshylardyń kezdesýi bolyp tabylatynyn atap ótti, óıtkeni búgingi kezdesýge qatysýshylardyń árqaısysy óz eli úshin mańyzdy saıası oqıǵany ótkizdi nemese oǵan qatysty.
Saılaý naýqanyna daıyndyq barysy týraly QR OSK tóraǵasynyń orynbasary Konstantın Petrov baıandama jasady. Ol saılaý naýqanynyń erekshelikteri, onyń kezeńderi jáne daýys berý kúnine daıyndyq týraly aıtty. Sondaı-aq, OSK múshesi Sábıla Mustafına elektoraldyq oqytý qorytyndylary týraly baıandady. Kezdesý qorytyndylary boıynsha buqaralyq aqparat quraldarynyń ókilderimen brıfıng ótti.
Sondaı-aq, Ortalyq saılaý komıssııasynyń hatshysy Muhtar Erman quramyna Portýgalııa Respýblıkalyq Assambleıasynyń múshesi, Jerorta teńizi PA vıtse-prezıdenti Antonıo Pedrý ROK Olıveıra jáne Jerorta teńizi PA-nyń erekshe tapsyrmalar jónindegi elshisi Djonas-Florın Ýrkana kiretin Jerorta teńizi Parlamenttik Assambleıasynyń delegatsııasymen kezdesý ótkizdi.
Ortalyq saılaý komıssııasynyń hatshysy delegatsııa múshelerine saılaý naýqanynyń negizgi kezeńderiniń qorytyndylaryn, depýtattyqqa tirkelgen kandıdattar týraly aqparatty usyndy. Jerorta teńizi PA ókilderin saılaýshylar tizimine engizilgen Qazaqstan azamattarynyń sany, eldegi saılaý ýchaskeleriniń sany, saılaýǵa halyqaralyq baıqaýshylardy akkredıtteý qorytyndylary týraly habardar etti.
Óz kezeginde Antonıo Pedrý ROK Olıveıra berilgen aqparat úshin rızashylyǵyn bildirip, saılaý protsesin uıymdastyrýdyń joǵary deńgeıin atap ótti.
