OSK músheleri koronavırýs indetinen qaza tapqandardy eske aldy
«Búgin pandemııa qurbandary bolǵan otandastarymyzdy Ulttyq aza tutý kúni ekendigin atap ótken jón. Barshańyz bul jaıynda bilesizder. Bizde, saılaý júıesi qyzmetkerleriniń arasynda da aýyr qaza bar. Almaty oblysy Tekeli qalasynyń aýmaqtyq saılaý komıssııasy tóraǵasynyń orynbasary Báken Jamanqulov qaıtys boldy. Báken Túzelbekulynyń týǵan-týystaryna qaıǵysyna ortaqtasyp kóńil aıtamyz. Osyǵan oraı bir mınýt únsizdikpen barlyq qaza bolǵandardy eske alýdy usynamyn», - dedi otyrysty ashqan QR OSK tóraǵasy Berik Imashev.
Qazirgi ýaqytta OSK otyrysynda Qazaqstan Respýblıkasy Parlamenti Senatynyń depýtattyǵyna kandıdattar usyný kezeńiniń qorytyndysy qaralyp jatyr. Oblystardyń, Almaty, Shymkent jáne Nur-Sultan qalalarynyń aýmaqtyq saılaý komıssııalary tóraǵalarynyń kandıdattardy usyný qorytyndylary týraly aqparattary tyńdalý ústinde.
