OSK múgedektigi bar jandardyń saılaýda daýys berýine qolaıly jaǵdaı jasaıdy
«Jergilikti atqarýshy organdar saılaý komıssııalaryna múgedektigi bar adamdardyń saılaý quqyqtaryn qamtamasyz etý jónindegi jumysta járdemdesýge mindetti. Komıssııa múgedektigi bar azamattardyń saılaý quqyqtaryn iske asyrý boıynsha qajetti is-sharalar qabyldaıdy. Ortalyq saılaý komıssııasynyń 2012 jylǵy qaýlysymen múgedektigi bar adamdardyń daýys berýi úshin úı-jaılardy jabdyqtaýǵa belgili bir talaptar qarastyrylǵan. OSK-niń 2018 jylǵy qaýlysy múgedektigi bar adamdardyń saılaý quqyqtaryn qamtamasyz etýge usynymdardy bekitti. Múgedektigi bar adamdardyń saılaý quqyqtaryn iske asyrý normalary kózdelgen. 2017 jyldan bastap OSK-niń janynda múgedekterdiń saılaý quqyqtaryn qamtamasyz etý jónindegi jumys toby bar. Ótken jyly quramy keńeıtildi, qosymsha óńirlerden múgedektigi bar adamdardyń qoǵamdyq birlestikteriniń ókilderi engizildi. Jarııalanǵan saılaý naýqanynda biz jumys tobynyń belsendi kómegine senemiz. Múgedektigi bar adamdardy habardar etý tásilderin aıqyndaý, qajetti ádistemelik materıaldar daıyndaý kezinde jumys tobynyń saraptamalyq qorytyndysy biz úshin óte mańyzdy», - dedi qaýly jobasyn tanystyrǵan OSK múshesi Anastasııa Şegortsova.
Onyń atap ótýinshe, Májilis pen máslıhattar depýtattaryn kezekten tys saılaýyn sapaly uıymdastyrý maqsatynda saıası partııalar men ózge qoǵamdyq birlestikterge múgedektigi bar azamattardyń saıası-qoǵamdyq ómirge qatysýyn qamtamasyz etý úshin mynadaı is-sharalardy júzege asyrýy kerek.
«Birinshi, máslıhat depýtattyǵyna kandıdat retinde múgedektigi bar azamattardy usyný múmkindigin qarastyrýdy, ekinshi, múgedektigi bar adamdar úshin jaǵdaılardy eskere otyryp, saılaý aldyndaǵy úgit júrgizý múmkindigin kózdeý usynylady. Jergilikti atqarýshy organdarǵa eń aldymen daýys berý quqyǵyn iske asyrý úshin saılaý ýchaskelerinde múgedektigi bar adamdarǵa jaǵdaılardy qamtamasyz etý boıynsha qajetti is-sharalardy qabyldasyn. Ekinshi, múgedektigi bar adam sanalatyn saılaýshylardyń daýys berýi úshin jaǵdaılardy qamtamasyz etý jónindegi jumysta saılaý komıssııalaryna kómek kórsetsin. Úshinshi, múgedektigi bar adamdardyń qoǵamdyq birlestikter ókilderiniń qatysýymen múgedektigi bar adamdardyń daýys berýi úshin ýchaskelerdiń qoljetimdiligine tekserý júrgizsin. Tórtinshi, múgedektigi bar saılaýshylardyń daýys berýge arnalǵan ýchaskelerde erekshe jaǵdaılardy qamtamasyz etýdiń qosymsha is-sharalaryn kózdesin», - dedi Anastasııa Şegortsova.
