OSK: Májilis pen máslıhattar depýtattary úshin daýys berýde belsendiligi eń tómen aımaq - Almaty qalasy
ASTANA. 15 qańtar. QazAqparat /Aıdar Ospanalıev/ - Búgin, saǵat 16.00-degi málimetter boıynsha, Májilis pen máslıhat depýtattary úshin daýys berýde eń tómengi belsendilik - Almaty qalasynda. Shaharda saılaýshylardyń nebári 21,9 paıyzy ǵana daýys bergen.
Atalmysh málimetterdi búgin jýrnalıstermen bolǵan brıfıngte Ortalyq saılaý komıssııasynyń múshesi Tatıana Ohlopkova jarııa etti.
Ol keltirgen derekter boıynsha, daýys berý jaǵynan eń belsendi aımaq Almaty oblysy bolyp otyr. Bul óńirde saǵat 16.00-degi málimetter boıynsha, saılaýshylardyń 84,5 paıyzy daýys bergen.
Al elordada saılaýshylardyń 30,5 paıyzy, Aqmola oblysynda 74,6 paıyzy, Aqtóbe oblysynda 63,7 paıyzy, Atyraý oblysynda 80,3 paıyzy, Shyǵys Qazaqstan oblysynda 71,5 paıyzy, Jambyl oblysynda 70,8 paıyzy daýys bergen. Sondaı-aq, Batys Qazaqstan oblysynda turǵyndardyń 67,7 paıyzy, Qaraǵandy oblysynda - 65,4, Qostanaı oblysynda - 84,2, Qyzylorda oblysynda - 79,6, Mańǵystaý oblysynda - 60,4, Pavlodar oblysynda - 67,8 paıyzy, Soltústik Qazaqstan oblysynda - 78,3 jáne Ońtústik Qazaqstan oblysynda 75,7 paıyzy óz tańdaýlaryn jasady.
Osylaısha, saǵat 16.00-ge deıin Májilis pen máslıhattar depýtattarynyń saılaýynda Qazaqstan elektoratynyń 6 mıllıon 223 myń 525-i daýys berdi. «Bul eldegi jalpy saılaýshylardyń 66,9 paıyzy»,-dedi OSK múshesi.
