OSK Májilis pen máslıhat depýtattarynyń saılaýyna qatysatyn alǵashqy baıqaýshylardy tirkedi

Búgin Ortalyq saılaý komıssııasynyń kezekti otyrysynda qaralǵan osy másele boıynsha baıandama jasaǵan OSK-nyń múshesi Tatıana Ohlopkovanyń aıtýynsha, búgingi kúnge deıin elimizde Syrtqy ister mınıstrliginiń usynysymen barlyǵy 31 baıqaýshy tirkelgen. Olardyń 30-y Eýropadaǵy qaýipsizdik jáne yntymaqtastyq uıymynyń demokratııalyq ınstıtýttar jáne adam quqyqtary bıýrosynan. Bul baıqaýshylar mıssııasynyń negizgi tobynyń 16 múshesi qysqa merzimge, 14 múshesi uzaq merzimge kelgen. Taǵy bir baıqaýshy Táýelsiz memleketter dostastyǵy uıymynyń mıssııasynan kelip otyr. «Barlyq baıqaýshylardyń kýálikteri daıyn»,-dedi OSK múshesi.

Esterińizge sala keteıik, OSK-niń búgingi otyrysyna Qazaqstan Respýblıkasy Parlamenti Májilisiniń kezekten tys saılaýyn baqylaý jónindegi komıtetiniń baıqaýshysy Pátıma Matjanova men Jalpyulttyq sotsıal-demokratııalyq partııasynyń baıqaýshysy Talǵat Omarov jáne «Ádilet» demokratııalyq partııasynyń baıqaýshysy Ǵalymjan Qudaıbergenov qatysyp otyrdy.