OSK Májilis pen máslıhat depýtattary saılaýy qujattarynyń keıbir nysandaryn belgileý týraly qaýly qabyldady
TANA. 24 qarasha. QazAqparat /Aıdar Ospanalıev/ - Búgin Ortalyq saılaý komıssııasy kezekti otyrys barysynda 2012 jyldyń 15-shi qańtaryna taǵaıyndalǵan Qazaqstan Respýblıkasy Parlamenti Májilisiniń
fraktsııalyq tizimder boıynsha saılanatyn depýtattarynyń kezekten tys saılaýy jáne máslıhat depýtattarynyń kezekti saılaýy jónindegi saılaý qujattarynyń keıbir nysandaryn belgileý týraly qaýly qabyldady.
Otyrys barysynda atalmysh qujatqa baılanysty baıandama jasaǵan Ortalyq saılaý komıssııasynyń hatshysy Baqyt Meldeshovtyń aıtýynsha, qaýlyǵa sáıkes Májilis pen máslıhat depýtattary saılaýynyń saılaýshylar tizimi men saılaý ýchaskesin ashý týraly ýchaskelik saılaý komıssııasynyń hattamasy belgilenedi. «Biz bul qujattardy osyǵan deıin jeke-jeke belgilegen bolatynbyz. Osy joly olardy biriktirip belgilep otyrmyz»,-dedi OSK hatshysy.
