OSK Májilis depýtattarynyń saılaýyna 4 halyqaralyq uıym men 15 shet memleketten taǵy 145 baıqaýshyny tirkedi

OSK-nyń búgingi otyrysynda osy másele jóninde baıandaǵan OSK múshesi Tatıana Ohlopkovanyń aıtýynsha, osylaısha Syrtqy ister mınıstrliginiń usynysy negizinde elimizde tirkelgen baıqaýshylar sany 244-ke jetti. «Olardyń 74-i Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar men adam quqyqtary ınstıtýty bıýrosynyń mıssııasynan bolsa, 102 baıqaýshy Táýelsiz memleketter dostastyǵy uıymyna múshe elderdiń baıqaýshylar mıssııasynyń ókilderi. Sondaı-aq 109 baıqaýshy Shanhaı yntymaqtastyq uıymynyń ókili bolsa, 9 adam Túrkitildes memleketter yntymaqtastyǵy keńesinen. Sondaı-aq 50 baıqaýshy 19 memlekettiń atynan ókildik etip otyr»,-dedi OSK múshesi.