OSK Májilis depýtattarynyń saılaýyn baqylaýǵa kelgen shet memleketter men halyqaralyq uıymdardyń 38 baıqaýshysyn tirkedi

Bul týraly búgin Ortalyq saılaý komıssııasynyń kezekti otyrysynda atalmysh komıssııa múshesi Tatıana Ohlopkova málim etti.

Onyń derekterine qaraǵanda, tirkelgen baıqaýshylardyń 34-i Táýelsiz memleketter dostastyǵy uıymynyń mıssııasynan, al 4 baıqaýshy shet memleketterden kelgen. Osylaısha elimizde tirkelgen barlyq baıqaýshylar sany 99 adamdy qurady. «Olardyń 46-sy Parlament Májilisi depýtattarynyń kezekten tys saılaýyn baıqaý jónindegi Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary jónindegi ınstıtýttar bıýrosy mıssııasynyń quramyna kiredi. 45 baıqaýshy Táýelsiz memleketter dostastyǵy uıymynyń mıssııasynan. Al 8 azamat shet memleketterdiń baıqaýshysy»,-dedi OSK múshesi.