OSK máslıhat depýtattyǵyna kandıdat retinde 39 azamaty tirkedi
ASTANA. 8 jeltoqsan. QazAqparat /Aıdar Ospanalıev/ - «Cońǵy táýlikterde 2012 jyldyń 15-shi qańtaryna taǵaıyndalǵan máslıhat depýtattarynyń saılaýyna úmitkerlerdi usyný belsendi júrdi.
Nátıjesinde, bıylǵy jyldyń 8-shi jeltoqsanyndaǵy málimetter boıynsha, máslıhat depýtattyǵyna usynylǵan azamattar sany 3 myń 56-ǵa jetti»,-dedi búgin Ortalyq saılaý komıssııasynyń kezekti otyrysynda atalmysh komıssııa tóraǵasy Qýandyq Turǵanqulov.
Onyń málimetterinshe, tirkelgen azamattardyń 300-i oblystyq máslıhattarǵa depýtat bolǵylary keledi. Al 25 azamat Astana qalalyq, 37 azamat Almaty qalalyq máslıhatynyń depýtattyǵynan dámeli. Al aýdandyq máslıhattyń depýtattyǵynan úmittenip otyrǵandar sany 2 myń 252, sondaı-aq qalalyq máslıhatqa 504 adam usynylǵan.
«Depýtattyqa kandıdat ertinde usynylǵan azamatardyń 830-y «Nur Otan» halyqtyq demokratııalyq partııasynyń, 17-si Kommýnıstik halyq partııasynyń, 12-si «Aq jol» demokratııalyq partııasynyń, 7-ýi sotsıal-demokratııalyq «Aýyl» partııasynyń, 3-ýi Patrıottar partııasynyń, 1-ýi Jalpyulttyq sotsıal-demokratııalyq partııasynyń múshesi. Al 812 úmitker óziniń partııaǵa qatystylyǵyn kórsetpegen. Osy ýaqytqa deıin máslıhat depýtattyǵyna kandıdat retinde barlyǵy 39 azamat tirkeldi», dedi OSK tóraǵasy.
