OSK máslıhat depýtattarynyń saılaýyna barlyǵy 5 myń 66 azamatty kandıdat etip tirkedi
ASTANA. 14 jeltoqsan. QazAqparat /Aıdar Ospanalıev/ - Bıylǵy jyldyń 14-shi jeltoqsanyndaǵy málimetter boıynsha, 2012 jyldyń 15-shi qańtaryna taǵaıyndalǵan máslıhat depýtattarynyń kezekti saılaýyna barlyǵy 8 myń 335 úmitker usynyldy.
Ortalyq saılaý komıssııasy taratqan aqparattarǵa qaraǵanda, usynylǵan úmitkerlerdiń 1 myń 392-si oblystyq jáne Astana men Almaty qalalarynyń máslıhattaryna depýtat bolǵylary keledi. Al 5 myń 339 adam aýdandyq máslıhattyń depýtattyǵynan, 1 myń 604 adam qalalyq máslıhat depýtattyǵynan úmitti. Osy ýaqytqa deıin máslıhat depýtattyǵyna jalpy sany 5 myń 66 adam kandıdat retinde tirkelgen.
Esterińizge sala keteıik, búgin máslıhat depýtattarynyń saılaýyna úmitkerlerdi usyný aıaqtalady.
