OSK máslıhat depýtattarynyń saılaýyna 298 adamdy kandıdat etip tirkedi
ASTANA. 10 jeltoqsan. QazAqparat /Aıdar Ospanalıev/ - 10-shy jeltoqsandaǵy málimetter boıynsha, 2012 jyldyń 15-shi qańtaryna taǵaıyndalǵan máslıhat depýtattarynyń saılaýyna respýblıka boıynsha 5 myń 259 azamat usynylǵan.
Bul málimettermen búgin Ortalyq saılaý komıssııasynyń kezekti otyrysynda atalmysh komıssııa tóraǵasy Qýandyq Turǵanqulov tanystyrdy.
Tóraǵa keltirgen derekterge qaraǵanda, máslıhat depýtattyǵyna usynylǵan azamattardyń 556-sy oblystyq jáne Astana men Almaty qalalarynyń depýtattary bolǵylary keledi. Al 3 myń 774 azamat aýdandyq máslıhat depýtattyǵynan úmitti. Sondaı-aq 919 azamat qalalyq máslıhattyń depýtaty bolsam deıdi.
OSK osy ýaqytqa deıin respýblıka boıynsha máslıhat depýtatynyń kandıdattyǵynan úmitker retinde usynylǵan azamattardyń 298-in tirkep úlgerdi.
