OSK M.Dýambekovty Prezıdenttikke kandıdat retinde Konstıtýtsııa men «QR Saılaý týraly» zańyna saı dep tapty
ASTANA. 10 aqpan. QazAqparat /Aıdar Ospanalıev/ - Ortalyq saılaý komıssııasy Musaǵalı Dýambekovty Prezıdenttikke kandıdat retinde Konstıtýtsııa men «QR Saılaý týraly» konstıtýtsııalyq zańyna sáıkes dep tapty.
Bul týraly búgin Ortalyq saılaý komıssııasynyń otyrysynda atalmysh komıssııa tóraǵasy Qýandyq Turǵanqulov málim etti.
Esterińizge sala keteıik, Prezıdentikke kandıdat M.Dýambekov keshe Prezıdenttikke kandıdattardyń memlekettik tildi meńgerýin anyqtaý jónindegi komıssııaǵa emtıhandy sátti tapsyrǵan bolatyn. Endi Ortalyq saılaý komıssııasy qabyldaǵan saılaý úderisteriniń merzimin qysqartý jónindegi sheshimine sáıkes, M.Dýambekovke eki kúnniń ishinde 5 myń dana qol qoıý paraqtary beriledi. Budan soń kandıdat óziniń qoldaýshylarynyń qoldaryn jınaýǵa kirisetin bolady.
«Ortalyq saılaý komıssııasy Prezıdenttikke kandıdattarǵa aýmaqtyq saılaý komıssııalaryna qol qoıý paraqtaryn 26 aqpannan keshiktirmeı tapsyrýdy usynyp otyr. Sonda saılaý komıssııalary azamattardyń qoldarynyń rastyǵyn 5 kún ishinde tekserip bitýge múmkindik alady»,-dedi OSK tóraǵasy.
