OSK lıngvıstıkalyq komıssııanyń synynan ótken kandıdattarǵa qol qoıý paraqtaryn berdi
ASTANA. 12 aqpan. QazAqparat /Aıdar Ospanalıev/ - Búgin Ortalyq saılaý komıssııasy Prezıdentikke kandıdattardyń memlekettik tildi erkin meńgergendigin anyqtaý jónindegi komıssııanyń synynan ózgelerden buryn ótken Prezıdenttikke kandıdattar Nursultan Nazarbaev pen Musaǵalı Dýambekovke qol qoıý paraqtaryn berdi.
«Biz búgin saılaýdaǵy saıası dodaǵa alǵashqylardyń biri bolyp túskeli otyrmyz. Biz Ortalyq saılaý komıssııasyna qujattar men emtıhandy ózgelerden buryn tapsyrdyq. Bul bizdiń meılinshe, kóbirek qol jınaýymyzǵa múmkindik beredi. Biz qol qoıý paraqtaryn barlyq aımaqtardan jınap, ózimizdiń kúsh-qýatymyzdy birshama shamalaǵan soń ǵana saılaýda qansha daýys jınaıtynymyzdy boljaýǵa bolady»,- dedi kandıdat Musaǵalı Dýambekov.
