OSK Quryltaı saılaýynyń qorytyndysyn jarııalady
ASTANA. KAZINFORM - Ortalyq saılaý komıssııasy Quryltaı depýtattaryn saılaýdyń qorytyndysyn jarııalady.
OSK tóraǵasy Nurlan Ábdirovtiń málimetinshe, daýys berýge 9 351 539 azamat qatysqan. Saılaýshylardyń aldyn ala qatysý kórsetkishi 74,08 % boldy.
Naqtylanǵan derekter boıynsha, «Ádilet» partııasyna 6 528 948 saılaýshy nemese daýys bergenderdiń 71,17%-y qoldaý bildirdi.
Jalpyulttyq sotsıal-demokratııalyq partııaǵa (JSDP) 469 058 saılaýshy nemese 5,11% daýys berdi.
«Baıtaq» jasyldar partııasyn 97 751 saılaýshy nemese 1,07% qoldady.
Qazaqstan Halyq partııasyna 285 395 daýys nemese 3,11% berildi.
«Aýyl» partııasyna 574 621 saılaýshy nemese 6,26% daýys berdi.
Qazaqstannyń «Aq jol» demokratııalyq partııasyn 478 083 saılaýshy nemese 5,21%-y qoldady.
Respublica partııasyna 509 631 saılaýshy nemese 5,56% daýys berildi.
Sonymen qatar saılaýshylardyń 2,51%-y «bárine qarsymyn» nusqasyn tańdady.
Aıta keteıik, buǵan deıin Ortalyq saılaý komıssııasy Qazaqstan Respýblıkasy Quryltaıynyń depýtattaryn saılaý boıynsha daýys berýdiń aldyn ala nátıjelerin jarııalaǵan bolatyn.
Sondaı-aq saılaýdan keıin daýys berý nátıjelerine qatysty ekzıtpoldardyń aldyn ala qorytyndylary jarııalandy.
