OSK Quryltaı saılaýyna arnalǵan bıýlletendegi partııalardyń ornalasý retin jerebemen anyqtady
ASTANA. KAZINFORM – Ortalyq saılaý komıssııasynda Quryltaı depýtattaryn saılaýǵa arnalǵan bıýlletende saıası partııalardyń ornalasý retin anyqtaý úshin jerebe tartý rásimi ótti.
OSK tóraǵasynyń orynbasary Muhtar Ermannyń aıtýynsha, «Qazaqstan Respýblıkasyndaǵy saılaý týraly» Konstıtýtsııalyq zańnyń 37-babyna sáıkes, saıası partııalardyń ataýlary saılaý bıýlletenine jerebe arqyly aıqyndalǵan tártippen engiziledi. Sondaı-aq bıýlletende «Bárine qarsymyn» degen jol qarastyrylady.
– Jerebe tartý Ortalyq saılaý komıssııasynyń 1999 jylǵy 13 shildedegi №15/214 qaýlysymen bekitilgen erejege sáıkes ótkizildi. Árbir konverttiń ishine rettik nómir jazylǵan bir ǵana paraq salyndy. Saıası partııalardyń ókilderi kezekpen konvert tańdap, ishindegi nómirdi jarııalady. Konvertten shyqqan nómir partııanyń saılaý bıýlletenindegi rettik nómiri bolyp sanalady, – dedi Muhtar Erman.
Jerebe tartý qorytyndysy boıynsha saıası partııalar saılaý bıýlleteninde mynadaı retpen ornalasty:
1. «Ádilet» partııasy;
2. Jalpyulttyq sotsıal-demokratııalyq partııa;
3. Qazaqstannyń «Baıtaq» jasyldar partııasy;
4. Qazaqstan Halyq partııasy;
5. «Aýyl» partııasy;
6. «Aq jol» Qazaqstannyń demokratııalyq partııasy;
7. «Respublica» partııasy.
OSK málimetinshe, jerebe tartý nátıjeleri tıisti hattamamen rásimdelip, komıssııa músheleriniń qol qoıýyna usynyldy.
Buǵan deıin Quryltaı depýtattarynyń mandattaryna qansha úmitker tirkelgenin jazǵanbyz.
