OSK QR Prezıdenttigine úmitkerdiń birin tirkeý protsedýrasyn aıaqtamaq
Onyń atap ótýinshe, elimizdiń Saılaý týraly konstıtýtsııalyq zańyna sáıkes QR Prezıdenttigine úmitker kandıdat retinde tirkelýi úshin respýblıkadaǵy saılaýshylardyń jalpy sanynyń keminde 1 paıyzynyń qoldaý qolyn jınaýy tıis.
«Bul oblystardyń úshten ekisi jáne mindetti túrde Astana men Almaty qalasy bolýy múmkin. 5 kún boıy jınalǵan qoldar tólqujat qyzmetterin tarta otyryp, aýmaqtyq saılaý komıssııalarymen tekseriledi. Tekserý bylaısha júrgiziledi: joǵaryda atap ótkenimdeı, saılaýshylardyń jalpy sanynan qajetti 1 paıyzdy aýmaqtyq komıssııalar men tólqujat qyzmetteri tekseredi. Al 1 paıyzdan artyǵy Ortalyq saılaý komıssııasyna jiberiledi. OSK bul hattamalardy jınaqtaıdy. Osy hattamalardyń negizinde búkil el boıynsha nátıje shyǵarylady. Atap óterligi, qazirgi ýaqytta barlyq óńirlerdegi aýmaqtyq saılaý komıssııalarynan hattamalar kelip túsýde. Menińshe, tipti búginniń ózinde úmitkerdiń biriniń hattamalary Ortalyq saılaý komıssııasyna tolyq kelip túsedi. Sońǵy hattamalardy kútip otyrmyz», - dedi B.Meldeshev.
