OSK: QR Parlamentiniń Májilisi saılaýyna QHA atynan usynylǵan 9 úmitker tirkeýge alyndy

ASTANA. QazAqparat - Búgin QR Ortalyq saılaý komıssııasy QR Parlamenti Májilisiniń depýtattaryn saılaýǵa Qazaqstan halqy Assambleıasy atynan usynylǵan úmitkerlerdi tirkeý týraly qaýlyny qabyldady.

Aıta keteıik, QHA atynan 9 úmitker: Abdrahmanov Saýytbek Abdrahmanuly, Bojko Vladımır Karpovıch, Jumadildaeva Natalıa Vasılevna, Kım Roman Ýhenovıch, Mıkaelıan Narıne Gamletovna, Mýradov Ahmed Seıdarahmanovıch, Nýrýmov Shaımardan Ýsaınovıch, Tımoşenko ıÝrıı Evgenevıch, Hahazov Shakır Hýsaınovıch usynylǵan bolatyn.

QR OSK hatshysy Baqyt Meldeshevtiń aıtýynsha, úmitkerlerdiń OSK tirkeýine qajetti qujattar tolyq túsken.

«Bul azamattardyń QR Konstıtýtsııasy men Saılaý týraly zańyna sáıkestigi de anyqtaldy. QR Іshki ister mınıstrligi men QR Bas prokýratýrasynan kerekti qujattar tústi», - dep atap ótti B.Meldeshov.

Qaýly qabyldanǵannan keıin, úmitkerlerge kandıdattardy tirkeý kýálikteri tapsyryldy.