OSK: QR Parlamenti Senatynyń depýtattaryn saılaý qarsańyndaǵy naýqan qalypty jaǵdaıda ótýde
ASTANA. 7 shilde. QazAqparat /Jasulan Amanbaıuly/ - QR Parlamenti Senatynyń saılaýy qarsańyndaǵy naýqan qalypty jaǵdaıda ótýde. Bul týraly búgin Astanadaǵy baspasóz máslıhatynda Ortalyq saılaý komıssııasynyń tóraǵasy Qýandyq Turǵanqulov málim etti.
«Osy ýaqytqa deıin Ortalyq saılaý komıssııasyna 2 shaǵym kelip tústi. Tekserý barysynda olarda aıtylǵan faktiler rastalmady. Shaǵymdanýshylarǵa ýaqytyly jaýap berildi», - dep atap ótti Q. Turǵanqulov.
Baspasóz máslıhatynda belgili bolǵanyndaı, 19 tamyz kúni ótetin Senat depýtataryn saılaýǵa 87 úmitker óz kandıdatýrasyn usynǵan. Qazirgi sátte olardyń ishinde 54 kandıdat tirkeýge alyndy. Sonymen qatar, atap óterligi, 4 áıel azamat ózderin senatorlyqqa usynǵan. 87 úmitkerdiń 9-y - Qazaqstan Respýblıkasy Parlamenti Senatynyń qazirgi depýtattary bolyp tabylady.
«OSK-nyń kúntizbelik josparyna sáıkes, kandıdattardy usyný 19 shildege deıin júredi», - dep atap kórsetti Q. Turǵanqulov.
