OSK qol qoıý paraqtaryn berý merzimin 5 kúnnen 2 kúnge qysqartty
ASTANA. 10 aqpan. QazAqparat /Aıdar Ospanalıev/ - Ortalyq saılaý komıssııasy aýmaqtyq saılaý komıssııalarynyń Prezıdenttikke kandıdattardy qoldap,
qol jınaý paraqtaryn tekserý merzimin 10 kúnnen 5 kúnge deıin qysqartty. Bul týraly búgin Ortalyq saılaý komıssııasynyń otyrysynda atalmysh komıssııa tóraǵasy Qýandyq Turǵanqulov málim etti.
Sonymen qatar Ortalyq saılaý komıssııasynyń kandıdattarǵa qol qoıý paraqtaryn berý merzimi de aıtarlyqtaı qysqartyldy. Endi OSK olardy kandıdattyń Konstıtýtsııa men «QR Saılaý týraly» zańda belgilengen talaptarǵa sáıkestigi anyqtalǵan soń eki kún ishinde beredi. Buryn bul merzim 5 kún bolatyn. «Biz bul ózgeristerdi kezekten tys Prezıdent saılaýyn talapqa saı ótkizý maqsatynda engizip otyrmyz. Biz belgilegen merzim saılaýdy tıimdi ótkizý úshin jetkilikti dep sanaımyz. Árıne, bul kandıdattardan utqyrlyq pen jınaqylyqty talap etedi. Saılaý merzimin qysqartqan saılaý komıssııalary úshin de tıimdi. Osy ózgeristerdiń esebinen kandıdattardyń ýaqyt resýrsyn kóbeıtemiz. Sondyqtan Ortalyq saılaý komıssııasy bul sheshimdi kandıdattardyń múddelerin eskere otyryp, qabyldady deýge bolady»,-dedi OSK tóraǵasy.
