OSK QHA-dan saılanatyn Parlament Májilisi depýtattyǵyna kandıdattardy tirkedi
ASTANA. 30 jeltoqsan. QazAqparat - Búgin Ortalyq saılaý komıssııasy Qazaqstan halqy Assambleıasy saılaıtyn Parlament Májilisi depýtattyǵyna 9 kandıdatty tirkedi.
Kúntizbelik josparǵa sáıkes, 2011 jylǵy 31 jeltoqsanda Qazaqstan halqy Assambleıasy saılaıtyn Parlament Májilisi depýtattyǵyna kandıdattardy tirkeý aıaqtalady. Saılaý týraly zańǵa sáıkes, Assambleıa Keńesi 9 kandıdat usynǵan bolatyn. Ortalyq saılaý komıssııasy olardyń barlyǵyn tirkedi.
Úmitkerlerdiń ishinde 2 áıel bar. Kandıdattardyń ortasha jasy - 59 jas. Olardyń barlyǵynyń joǵary bilimi bar. Altaýy ǵylym, mádenıet jáne bilim salalarynyń qyzmetkerleri. Taǵy 3 úmitker - tórtinshi shaqyrylǵan Qazaqstan Respýblıkasy Parlamenti Májilisiniń depýtattary.
Tirkelgen kandıdattar saılaýaldy úgit jumysyna 2012 jylǵy 1 qańtardan bastap kirise alady.
