OSK kezekten tys Prezıdenttik saılaýdy baqylaǵysy kelgen kez-kelgen baıqaýshyny akkredıtatsııalaý úshin tolyǵymen ashyq

Bul týraly búgin QR Syrtqy ister mınıstrliginde elimizdegi sheteldik dıplomatııalyq mıssııa ókilderine arnaıy brıfıng ótkizgen QR Ortalyq saılaý komıssııasy tóraǵasynyń orynbasary Vladımır Foos málim etti.

«Ortalyq saılaý komıssııasy kezekten tys Prezıdenttik saılaýdy baqylaǵysy kelgen kez-kelgen baıqaýshyny akkredıtatsııalaý úshin tolyǵymen ashyq. Ótken joly, 2005 jyly Prezıdent saılaýyna shamamen 30 myńnan astam otandyq baıqaýshy jáne eki myńǵa jýyq sheteldik baıqaýshy qatysqan bolatyn. Meniń oıymsha, eger osy saılaýǵa da qyzyǵýshylyq tanytylsa, onda bul sannyń ótken jolǵydan kem bolmaýy kerek», - dedi ol.

Onyń atap ótýinshe, Ortalyq saılaý komıssııasy sheteldik baıqaýshylardy akkredıtatsııalaý barysynda olardyń saılaý kompanııalarynda baǵdar jasaýyna jeńildikter berý úshin aǵylshyn tilinde ázirlengen arnaıy eskertpeler daıyndap otyr. Sonymen qatar aımaqtyq saılaý komıssııalaryna jáne jergilikti atqarýshy organdarǵa halyqaralyq, sheteldik baıqaýshylar úshin kómek berý ortalyqtaryn uıymdastyrýǵa usynys ta bergen.