OSK kezekten tys Prezıdent saılaýyna baıqaýshylardan ótinish qabyldaýdy búgin aıaqtaıdy
ASTANA. 28 naýryz. QazAqparat /Aıdar Ospanalıev/ - Búgin Ortalyq saılaý komıssııasy shet memleketter men halyqaralyq uıymdardan Qazaqstandaǵy kezekten tys prezıdenttik saılaýdyń barysyna baqylaý jasaý úshin kelgen taǵy 92 baıqaýshyny tirkedi.
Ortalyq saılaý komıssııasynyń kezekti otrysynda osy máselege baılanysty baıandama jasaǵan OSK múshesi Tatıana Ohlapkovanyń aıtýynsha, qazirde elimizde tirkelgen baıqaýshylardyń jalpy sany 1 myń 52-ni qurap otyr. Olardyń 357-i Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar men adam quqaqtary jónindegi bıýrosynan. Al Táýelsiz memleketter dostastyǵy uıymynyń mıssııasynan - 425, Shanhaı yntymaqtastyq uıymy mıssııasynan - 13, bes halyqaralyq uıymnan -111 adam, 24 shet memleketten -156 baıqaýshy tirkelgen.
«Saılaý týraly» Zańnyń talaptaryna sáıkes, halyqaralyq baıqaýshylarǵa berilgen quqyqty elimizdiń Syrtqy ister mınıstrliginde tirkelgen sheteldik buqaralyq aqparat quraldarynyń ókilderi de paıdalana alady. Búgingi kúnge deıin Syrtqy ister mınıstrliginiń janynda 90 sheteldik aqparat quralynyń ókili tirkeldi. Osy rette aıta ketetin másele, OSK sheteldik baıqaýshylardan ótinish qabyldaýdy búgin aıaqtaıtyn bolsa, Syrtqy ister mınıstrliginiń sheteldik buqaralyq aqparat quraldarynyń ókilderin tirkeý merzimi shektelmegen»,-dedi T.Ohlapkova.
