OSK kezekten tys Prezıdent saılaýyn baqylaýǵa kelgen taǵy 15 baıqaýshyny tirkedi
ASTANA. 4 naýryz. QazAqparat /Aıdar Ospanalıev/ - Búgin Ortalyq saılaý komıssııasy 3 sáýirde ótetin kezekten tys Prezıdent saılaýyn baqylaıtyn TMD Parlamenttik Assambleıasynan - 10, Ujymdyq qaýipsizdik sharty uıymynyń Parlamenttik Assambleıasynan -2 jáne Tájikstan Respýblıkasynan 3 baıqaýshyny tirkedi.
Bul týraly OSK-nyń kezekti otyrysynda málim boldy.
Ortalyq saılaý komıssııasynyń múshesi Tatıana Ohlapkovanyń málimetterine qaraǵanda, belgilengen kezekten tys Prezıdent saılaýyna osymen barlyǵy 74 baıqaýshy tirkelip otyr.
Esterińizge sala keteıik, OSK osyǵan deıin Eýropadaǵy qaýipsizdik jáne yntymaqtastyq uıymynyń Demokratııalyq ınstıtýttar jáne adam quqyqtary jónindegi bıýrosynyń mıssııasynan 44 baıqaýshyny, TMD mıssııasynan 2 baıqaýshyny, shet memleketterden 11 baıqaýshyny jáne halyqaralyq respýblıkalyq ınstıtýtynan 2 baıqaýshyny tirkegen bolatyn. Osylaısha búgingi kúni Prezıdent saılaýyn baqylaıtyn barlyǵy 74 baıqaýshy tirkelip otyr.
