OSK: Qaraqat Ábden memlekettik tildi jetik biledi

ASTANA. QazAqparat – Búgin QR Ortalyq saılaý komıssııasynda Qaraqat Ábden memlekettik tildi bilýi deńgeıi boıynsha emtıhan tapsyrdy, dep habarlaıdy QazAqparat tilshisi.

«Ortalyq saılaý komıssııasynda QR prezıdenttigine kandıdat Qaraqat Ábdennen memlekettik tilden ımtıhan alý úderisi boldy. Emtıhan tapsyrý barysynda úmitker jazba tapsyrmasynda «Til - halyqty altyn besigi» taqyrybyn tańdady. Ekinshi aýyzsha oqý tapsyrmasynda Іlııas Esenberlınniń «Kóshpendiler» romanynan úzindi oqydy», - dedi Lıngvıstıkalyq komıssııanyń múshesi Dıhan Qamzabekuly.

Sonymen qatar úmitker kópshilik aldynda sóıleý tapsyrmasynda «Azat eldiń eńsesi bıik» taqyrybyn tańdady.

«Komıssııa músheleriniń ortaq qorytyndysyna toqtalsaq, Qaraqat Ábden memlekettik tildi jetik biledi jáne qoıylǵan suraqtardyń bárine óz deńgeıinde jaýap berdi», - dedi D.Qamzabekuly.

Budan buryn habarlanǵandaı, QR prezıdentin kezekten tys saılaýda úmitker Qaraqat Ábden Ortalyq saılaý komıssııasynyń qaraýyna kandıdat retinde qujattaryn tapsyrǵan.