OSK-ǵa Májilis pen máslıhat depýtattarynyń saılaýy ótetin kún jarııa etilgennen bastap, 39 shaǵym men ótinish túsken

Olardyń 38-i Ortalyq saılaý komıssııasynyń otyrystarynda qaralyp, tıisti túsinikteme berildi. Al bir aryz áli qaralý ústinde. Bul málimettermen búgin 2012 jyldyń 15-shi qańtaryna josparlanyp otyrǵan Májilis pen máslıhat depýtattary saılaýynyń barysyna baılanysty jýrnalıstermen bolǵan baspasóz máslıhatynda

Ortalyq saılaý komıssııasy tóraǵasynyń orynbasary Vladımır Foos habardar etti.

Onyń sózinshe, Ortalyq saılaý komıssııasy saıası partııalardyń saılaýaldy úgit-nasıhat jumystary barysynda kandıdattardyń buqaralyq aqparat quraldaryna birdeı qoljetimdiligin qamtamasyz etýge basa nazar aýdaryp otyr. «Bul rette saıası partııalar men olardyń qyzmetteri jónindegi aqparattardy taratýda zańǵa qaıshy kedergilerdiń joqtyǵyn erekshe atap ótý kerek»,-deıdi V.Foos.