OSK eki sheteldikten halyqaralyq baıqaýshy kýáligin qaıtaryp aldy

ASTANA. QazAqparat – Búgin Ortalyq saılaý komıssııasynyń otyrysynda 20 qarashaǵa belgilengen kezekten tys prezıdent saılaýyna halyqaralyq uıymnan 2 baıqaýshyny akkredıtteý keri qaıtaryp alyndy, dep habarlaıdy QazAqparat tilshisi.

«5 qarasha kúni QR Ortalyq saılaý komıssııasyna Syrtqy ister mınıstrliginen usynys kelip tústi. Oǵan sáıkes, prezıdenttiń kezekten tys saılaýyna akkredıttelgen Túrki memleketteri uıymy delegatsııasynyń quramyna tıisti ózgeris engizý qajet. Atalǵan usynym dıplomatııalyq arnalar arqyly Túrki memleketteri uıymynyń delegatsııa quramynyń ózgerýine qatysty kelip túsken ótinimine negizdeledi. Osyǵan baılanysty Túrki memleketteri uıymynan Hattıs Ozgepan men Dodastan Ormanbetovany halyqaralyq baıqaýshy retinde akkredıtteý kúshin joıý, sonymen qatar olardyń halyqaralyq baıqaýshy kýáligin qaıtaryp alý qajettigi týyndaıdy», - dedi QR OSK hatshysy Muhtar Erman.

Osydan keıin Ortalyq saılaý komıssııa tıisti qaýly qabyldady.