OSK Dmıtrıı Legkııdi Májilis depýtaty retinde tirkedi

ASTANA. QazAqparat – QR Ortalyq saılaý komıssııasy Dmıtrıı Maksımovıch Legkııdi Qazaqstan Respýblıkasy Parlamenti Májilisiniń depýtaty retinde tirkedi, dep habarlaıdy QazAqparat OSK baspasóz qyzmetine silteme jasap.

«Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasy Konstıtýtsııalyq zańynyń 12, 45, 46-baptaryna, 97-1-babynyń 6-tarmaǵyna, 98-babyna sáıkes jáne Qazaqstan Halyq partııasy Bıýrosynyń 2022 jylǵy 22 qazandaǵy № 279/02-30 qaýlysynan úzindi kóshirmege sáıkes Qazaqstan Respýblıkasynyń Ortalyq saılaý komıssııasy QAÝLY ETEDІ:

1. Qazaqstan Respýblıkasy Parlamenti Májilisi depýtatynyń bos mandaty «Qazaqstan Halyq partııasy» Qoǵamdyq birlestiginiń múshesi Dmıtrıı Maksımovıch Legkııge berilsin.

2. Dmıtrıı Maksımovıch Legkıı Qazaqstan Respýblıkasy Parlamenti Májilisiniń depýtaty bolyp tirkelsin.

3. Dmıtrıı Maksımovıch Legkııge belgilengen úlgidegi tıisti kýálik pen omyraýǵa taǵatyn belgi tapsyrylsyn.

Tóraǵa	N. Ábdirov
Hatshy	M. Erman