OSK daýys berý bıýlletenderine qatysty qaýly qabyldandy
ASTANA. 3 aqpan. QazAqparat /Aıdar Ospanalıev/ - Búgin Ortalyq saılaý komıssııasynyń kezekti otyrysynda daýys berý bıýlletenderine qatysty qaýly qabyldandy.
Otyrys barysynda atalmysh qujat boıynsha baıandama jasaǵan Ortalyq saılaý komıssııasynyń hatshysy Baqyt Meldeshovtyń aıtýynsha, qaýlyǵa sáıkes 2011 jyldyń 3 sáýirine taǵaıyndalǵan Qazaqstan Respýblıkasy Prezıdentiniń kezekten tys saılaýy jónindegi saılaý bıýlletenderi ortalyqtandyrylyp daıyndalýy kerek. Sondaı-aq saılaý bıýlletenderiniń sany saılaýshylardyń tizimderine engizlgen saılaýshylardyń jalpy sanynyń 1 paıyzy rezervin qosa alǵanda 9 mıllıon 191 myń 977 dana bolýy kerek. «Saılaý bıýlletenderin daıyndaýdy Qazaqstan Respýblıkasy Ulttyq bankiniń banknot fabrıkasy sharýashylyq júrgizý quqyndaǵy respýblıkalyq memlekettik kásiporny júrgizedi. Saılaý bıýlletenderi oblystyq, Astana jáne Almaty qalalyq saılaý komıssııalaryna 2011 jylǵy 25 naýryzdan bastap, akt boıynsha beriletin bolýy tıis. Oblystyq, Astana jáne Almaty qalalyq saılaý komıssııalaryna saılaý bıýlletenderi 2011 jyldyń 1 sáýirinen keshiktirilmeı jetkizilýi tıis»,-dedi B.Meldeshov.
