OSK-da Senat depýattarynyń saılaýyna oraı baspasóz ortalyǵy ashyldy

ASTANA. QazAqparat - Ortalyq saılaý komıssııasy Senat depýattarynyń saılaýyna oraı baspasóz ortalyǵyn ashty. Bul týraly búgin Ortalyq kommýnıkatsııalar qyzmetindegi brıfıngte Ortalyq saılaý komıssııasynyń tóraǵasy Qýandyq Turǵanqulov málim etti.

Onyń atap ótýinshe, Senat depýtattarynyń saılaýy jaıynda jurtshylyqqa neǵurlym tolyq aqparat berý úshin Ortsaılaýkomnyń tapsyrysymen aldaǵy saılaýǵa arnalǵan aqparattyq beıne jáne dybysrolıkteri ázirlendi. Olar negizgi respýblıkalyq jáne óńirlik teledıdarlar men radıolarda 1 tamyzdan bastap taratylady. Barlyq oblys ortalyqtarynda, Astana jáne Almaty qalalarynda aqparattyq bılbordtar ornalastyrylady.

Sondaı-aq Q.Turǵanqulov saılaýdy ázirleý men ótkizý kezeńinde turaqty jumys jasaıtyn Ortsaılaýkom baspasóz ortalyǵynyń ashylýy týraly habardar etti.

«Aldaǵy saılaý naýqanynyń mańyzdylyǵyn eskere otyryp, Ortsaılaýkom barlyq saılaý protsesine qatysýshylardyń saılaý zańnamasynyń normalaryn saqtaýyna erekshe kóńil bólip, Parlament Senaty depýtattarynyń saılaýyn Memleket basshysynyń Jarlyǵyna tolyq sáıkes uıymdastyrýdy jáne ótkizýdi qamtamasyz etedi» - dedi Ortsaılaýkom tóraǵasy.