OSK-da kezekten tys Májilis depýtattarynyń saılaýynda aqparattyq daýlardy qaraý jónindegi Qoǵamdyq keńes quryldy

Bul týraly búgin Ortalyq saılaý komıssııasynyń kezekti otyrysynda málim boldy.

Ortalyq saılaý komıssııasynyń tóraǵasy Qýandyq Turǵanqulovtyń málimetterine qaraǵanda, osy ýaqytta Qoǵamdyq keńestiń erejesi de bekitilip úlgergen. Qoǵamdyq keńestiń quramyna elimizge tanymal zańgerler men saıasattanýshylar, aımaqtyq jáne respýblıkalyq jetekshi buqaralyq aqparat quraldarynyń basshylary engen. Sondaı-aq olardyń arasynda ýákiletti organdar men Ortalyq saılaý komıssııasynyń, Baılanys jáne aqparat, Ádilet mınıstrliginiń ókilderi de bar.

«Qoǵamdyq keńes saılaý naýqany barysynda týyndaǵan aqparattyq daýlardy alqaly túrde qaraıdy jáne Ortalyq saılaý komıssııasynyń janyndaǵy keńesshi-konsýltatıvti organ bolyp tabylady. Keńestiń basty maqsaty - saılaýǵa qatysýshylardyń barlyǵynyń birdeı aqparat alyp, saılaý úderisin obektıvti túrde nasıhattalýyn qamtamasyz etý bolyp tabylady. Sonymen qatar keńes Aqparat quraldary ókilderiniń saılaýǵa qatysýshylarmen qarym-qatynas barysynda zańdy múddeleri men quqyqtarynyń qorǵalýyn qamtamasyz etedi. Buǵan qosa keńes buqaralyq aqparat quraldary ókilderiniń kásibı ustanymdar men etıkalyq normalarynyń saqtalýyna yqpal etedi»,-dedi OSK tóraǵasy.