OSK Baqyt Jańabaevty Prezıdenttikke kandıdat retinde tirkemedi

ASTANA. QazAqparat – Ortalyq saılaý komıssııasy prezıdenttikke Baqyt Jańabaevtyń kandıdatýrasyn tirkeýden bas tartty, dep habarlaıdy QazAqparat tilshisi.

«Aýmaqtyq saılaý komıssııalarynyń hattamalaryna sáıkes, qoldaýǵa 58 889 qol jınaldy, tekserý nátıjeleri boıynsha 4 054 qol tanyldy. Bul saılaýshylardyń jalpy sanynyń 1%-dan azyn quraıdy. Osylaısha, «Saılaý týraly» Konstıtýtsııalyq zańnyń 56-baby 2-tarmaǵynyń kandıdatty qoldaýǵa saılaýshylar qolynyń qajetti sany týraly talaby oryndalmady», - dedi Ortalyq saılaý komıssııasynyń múshesi Sábıla Mustafına otyrys barysynda.

Eske salaıyq, Baqyt Jańabaev úmitkerlerdi tirkeýdiń sońǵy sátinde qujat tapsyrǵan bolatyn. Onyń kandıdatýrasyn «Qazaqstan áýesqoı fýtbolshylarynyń» qoǵamdyq birlestigi usynǵan.