OSK Ázerbaıjandaǵy saılaýǵa qatysý úshin Ilham Alıevtiń úmitkerligin bekitti

ASTANA. QazAqparat - Ázerbaıjan ortalyq saılaý komıssııasy prezıdenttik saılaýǵa qatysý úshin «Enı Ázerbaıjan» partııasynan Ilham Alıevtiń úmitkerligin bekitti, dep jazady Trend.

Sársenbi kúni OSK otyrysynda prezıdent Ilham Alıevtiń úmitkerligin bekitýge barlyq negiz bar ekendigi atalyp ótildi. Keıin bul másele daýys berýge shyǵarylyp, qabyldanǵan.

Aıta keteıik, 8 aqpanda «Enı Ázerbaıjan» partııasynyń VI sezi ótti. Sezde 11 sáýirde ótetin prezıdent saılaýynda partııa tóraǵasy, Ázerbaıjan prezıdenti Ilham Alıevtiń úmitkerligin usyný týraly sheshim qabyldandy.