OSK aýdandardaǵy máslıhat depýtattarynyń úgit-nasıhat sharalaryna bólingen qarjyny tıimdi jumsaýǵa baǵyttalǵan qaýly qabyldady
ASTANA. 23 jeltoqsan. QazAqparat /Aıdar Ospanalıev/- Ortalyq saılaý komıssııasy búgin «2012 jylǵy 15-shi qańtarǵa taǵaıyndalǵan Qazaqstan Respýblıkasy jergilikti máslıhaty depýtattarynyń kezekti saılaýynda máslıhat depýtattyǵyna kandıdattardyń respýblıkalyq bıýdjet qarajatynan jabylatyn shyǵystarynyń normatıvterin belgileý týraly qaýlysyna ózgerister engizdi.
Búgingi otyrys barysynda atalmysh qujattyń maqsat-mindetteri jóninde baıandaǵan Ortalyq saılaý komıssııasy tóraǵasynyń orynbasary Vladımır Foostyń aıtýynsha, aýdandarda máslıhat depýtattyǵyna kandıdattardyń buqaralyq aqparat quraldaryna qoljetimdiligi shekteýli. «Osyǵan baılanysty teledıdar, radıo arqyly úgit-nasıhat sharalaryn júrgizýge bólingen qarjynyń bir bóligi paraqshalar men ózge de birqatar nasıhat quraldaryn shyǵarýǵa jumsalatyn bolady»,-dedi V.Foos.
