OSK Asqar Sadyqovty depýtat mandatynan nege aıyrdy
ASTANA. KAZINFORM – Ortalyq saılaý komıssııasy «Aq jol» demokratııalyq partııasynyń Májilistegi depýtaty Asqar Sadyqovty mandatynan aıyrdy.
«Aq jol» Qazaqstannyń demokratııalyq partııasy» qoǵamdyq birlestigi Ulttyq keńesiniń 2024 jylǵy 1 shildedegi №1 qaýlycynyń qabyldanýyna baılanysty Asqar Amanbaıuly Sadyqov Qazaqstan Respýblıkasy Parlamenti Májilisiniń depýtaty ókilettigin joǵaltty dep tanylsyn», - dep jazylǵan OSK-nyń resmı málimetinde.
«Aq jol» partııasynyń osy máselege baılanysty taratqan aqparatynda Asqar Sadyqov depýtat mártebesine saı kelmeıtin áreketi úshin partııa qatarynan shyǵarylǵany aıtylǵan.
«QR Ortalyq saılaý komıssııasy «Aq jol» demokratııalyq partııasynyń usynymy boıynsha Májilis depýtaty Asqar Sadyqovty depýtattyq mandatynan aıyrdy. Bul sheshimge A. Sadyqovtyń depýtattyń mártebesine saı kelmeıtin áreketterge barǵany negiz boldy. Atalmysh faktini partııalyq organdar óz betinshe anyqtaǵan jáne QDP plenýmynda qaralǵan soń, A. Sadyqov partııadan shyǵaryldy, soǵan baılanysty ol depýtattyq mandatynan aıyryldy», - delingen partııa málimetinde.
