OSK aqpanda aımaqtyq saılaý komıssııalary úshin oqý semınarlaryn uıymdastyrmaqshy
ASTANA. 4 aqpan. QazAqparat /Aıdar Ospanalıev/ - Aqpan aıynda Ortalyq saılaý komıssııasy aımaqtyq saılaý komıssııalarynyń músheleri úshin arnaıy oqý semınarlaryn uıymdastyrmaqshy. Bul týraly búgin Astanada ótken Ortalyq saılaý komıssııasynyń otyrysynda atalmysh komıssııa tóraǵasy Qýandyq Turǵanqulov aıtty.
Onyń sózine qaraǵanda, atalmysh shara barysynda elimizde 2011 jyly 3 sáýirde ótetin kezekten tys Prezıdenttik saılaýdy uıymdastyrýdyń negizgi quqyqtyq jáne tájirıbelik aspektileri talqylanyp, bolashaq mindetter sóz bolady.
«Saılaý naýqanynyń barysynda saılaý komıssııalary saılaýdy daıyndaý men ony ótkizýdiń negizgi ustanymdary ashyqtyq, jarııalylyq sııaqty máselelerge basa nazar aýdarýlary kerek. Biz sonymen qatar aqparattyq-túsindirý jumystaryna da basa kóńil bóletin bolamyz. Naqtyraq aıtqanda, qazir Ortalyq saılaý komıssııasynyń tapsyrysy negizinde aqparattyq beıne jáne aýdıorolıkter, plakattar men bılbordtar, ózge de birqatar materıaldar daıyndalýda. Olardyń barlyǵy elimizdiń turǵyndaryna saılaý barysynda ózderiniń konstıtýtsııalyq quqyqtaryn barynsha tolyq paıdalanýyna kómek bolady»,-dedi komıssııa tóraǵasy.
