OSK «Aq jol» partııasynyń tiziminen úsh azamatty alyp tastady
ASTANA. 14 jeltoqsan. QazAqparat /Aıdar Ospanalıev/ - Ortalyq saılaý komıssııasy «Aq jol» partııasynyń 2012 jyldyń 15-shi qańtarynda ótetin Májilis depýtattarynyń kezekten tys saılaýyna partııa atynan usynǵan tiziminen úsh úmitkerdi alyp tastady.
Búgin Ortalyq saılaý komıssııasynyń kezekti otyrysynda osy másele jóninde baıandaǵan OSK hatshysy Baqyt Meldeshovtyń aıtýynsha, «Aq jol» partııasynyń tiziminen alynyp tastalǵan Smaǵul Elýbaı pen Baqyt Sársekbaevtyń sońǵy on jylda elimizde turǵandyǵy dáleldenbegen. «Al tizimnen shyǵarylǵan úshinshi azamat Marǵulan Turǵanov máslıhat depýtattarynyń saılaýyna qatysýǵa nıet bildirýine baılanysty, óz ótinishi boıynsha «Aq jol» partııasynyń tiziminen shyǵaryldy»,-dedi OSK hatshysy.
