OSK 5-shi saılanatyn Parlamenti Májilisi depýtattarynyń kezekten tys saılaýyn ázirleý men ótkizýge qatysty qaýly qabyldady
ASTANA. 16 qarasha. QazAqparat /Aıdar Ospanalıev/ - Ortalyq saılaý komıssııasy búgin 5-shi saılanatyn Qazaqstan Respýblıkasy Parlamenti Májilisiniń depýtattarynyń kezekten tys saılaýyn ázirleý men ótkizý jónindegi negizgi is-sharalardyń kúntizbelik josparyn bekitý týraly qaýly qabyldady.
Búgin Ortalyq saılaý komıssııasynyń otyrysynda atalmysh komıssııanyń hatshysy Baqyt Meldeshov osy qujatqa baılanysty baıandama jasady. Onyń sózinshe, qaýly jobasynda 2012 jyldyń 15-shi qańtaryna taǵaıyndalǵan 5-shi saılanatyn Qazaqstan Respýblıkasy Parlamenti Májilisiniń partııalyq tizimderi boıynsha saılanatyn depýtattarynyń kezekten tys saılaýyn ázirleý men ótkizý jónindegi negizgi is-sharalarynyń kúntizbelik jospary qosa berilgen.
Sonymen qatar qaýlyda 2012 jyly 16 qańtarǵa taǵaıyndalǵan 5-shi saılanatyn Qazaqstan Respýblıkasy Parlament Májilisiniń Qazaqstan halqy Assambleıasynan saılanatyn depýtattarynyń kezekten tys saılaýyn ázirleý men ótkizý jónindegi negizgi is-sharalarynyń kúntizbelik josparyn bekitý máselesi qarastyrylǵan.
