OSK 2012 jyldyń 15-shi qańtaryna taǵaıyndalǵan Májilis pen máslıhat depýtattarynyń saılaýynda qoldanylatyn bıýlletenderge qatysty qaýly qabyldady
ASTANA. 21 jeltoqsan. QazAqparat /Aıdar Ospanalıev/- Ortalyq saılaý komıssııasy búgin kezekti otyrys barysynda «2012 jyldyń 15-shi qańtaryna taǵaıyndalǵan Qazaqstan Respýblıkasy Parlament Májilisiniń kezekten tys saılaýy men máslıhat depýtattarynyń kezekti saılaýy jónindegi daýys berýge arnalǵan saılaý bıýlletenderi týraly» qaýly qabyldady.
Otyrys barysynda atalmysh qujattyń maqsat-mindetterine toqtalǵan Ortalyq saılaý komıssııasynyń hatshysy Baqyt Meldeshovtyń aıtýynsha, 2011 jylǵy 20-shy jeltoqsandaǵy jaǵdaı boıynsha, saılaý komıssııalaryna usynylǵan saılaýshylar týraly málimetterge saı, daıyndalýǵa jáne saılaý ýchaskelerine jetkizilýge tıis saılaý bıýlletenderiniń sany rezervti qosqanda, Májilis depýattarynyń saılaýy boıynsha 9 mıllıon 398 myń 154 danany, máslıhat depýtattarynyń saılaýy boıynsha 17 mıllıon 4 23 myń 113 danany quraýy kerek.
