OSK 19 naýryzda saılaýdy uıymdastyrýshylarmen oqytý semınarlaryn aıaqtaıdy
ANA. 16 naýryz. QazAqparat /Aıdar Ospanalıev/ - Ortalyq saılaý komıssııasy 19 naýryzda elimizdiń barlyq aımaqtarynda 3 sáýirge taǵaıyndalǵan kezekten tys Prezıdent saılaýyn uıymdastyrýshylarmen oqytý semınarlaryn aıaqtaıdy.
Bul týraly búgin atalmysh komıssııa tóraǵasy Qýandyq Turǵanqulov jýrnalıstermen bolǵan brıfıngte aıtty.
«Osyǵan deıin biz Astanada respýblıkalyq semınar-keńes uıymdastyrdyq. Mundaı semınarlar 19 naýryzǵa deıin elimizdiń barlyq aımaqtarynda uıymdastyrylyp bitedi. Bul jıyndarǵa Ortalyq saılaý komıssııalarynyń músheleri men OSK-nyń Ortalyq apparatynyń qyzmetkerleri qatysady. Búgingi deıin aýmaqtyq saılaý komıssııalarynyń májilisteri daýys berý kúnine daıyndyq sharalaryna baılanysty ótip jatyr. 18 naýryz kúni biz Astana qalalyq saılaý komıssııasynyń saılaý kúnine daıyndyǵyn tyńdaımyz»,-dedi OSK tóraǵasy.
Onyń sózine qaraǵanda, atalmysh sharaǵa jergilikti atqarýshy organdar men ishki ister salasynyń qyzmetkerleri de qatysady. «Biz osy jıynda elimizdiń bas qalasyndaǵy jaǵdaı boıynsha elimizdiń daýys berý kúninen daıyndyǵy qalaı ekendigin baqylap kóremiz»,-dedi Q.Turǵanqulov.
