OSK: 111 halyqaralyq baıqaýshy akkredıtteldi, taǵy 52 baıqaýshy usynyldy

ASTANA. QazAqparat – 19 naýryzda ótetin Májilis jáne máslıhat depýtattary saılaýy barysyn baqylaıtyn 111 halyqaralyq baıqaýshy akkredıtteýden ótti, dep habarlaıdy QazAqparat tilshisi.

«2023 jylǵy 20 qańtarda Qazaqstan Respýblıkasy Parlamenti Májilisi depýtattarynyń kezekten tys saılaýyn halyqaralyq baıqaý ınstıtýty ashylǵannan beri Ortalyq saılaý komıssııasy 14 shet memleket pen 3 halyqaralyq uıymnan 111 baıqaýshyny akkredıtteýden ótkizdi», - dedi Ortalyq saılaý komıssııasynyń hatshysy Muhtar Erman.

«2023 jylǵy 27 aqpandaǵy jaǵdaı boıynsha Ortalyq saılaý komıssııasyna Syrtqy ister mınıstrliginen 2 shet memleketten jáne 3 halyqaralyq uıymnan 52 baıqaýshyny akkredıtteýden ótkizý usynyldy», - deıdi ol.

Buǵan deıin saıası partııalardyń saılaýaldy debaty 16 naýryzda ótetini týraly habarlaǵan edik.

Aıta ketsek, 26 aqpandaǵy jaǵdaı boıynsha Ortalyq saılaý komıssııasyna 12 032 550 daýys berýshi tirkelgen.

Sondaı-aq, OSK otyrysy barysynda daýys berý bıýlleteniniń kólemi ózgeretini aıtyldy.