Ósimdikter karantıni jónindegi memlekettik ınspektorlardyń jalaqysy eki ese artady

ASTANA. QazAqparat – Ósimdikter karantıni jónindegi memlekettik ınspektorlardyń shtat sanyn ulǵaıtý máselesi pysyqtalyp jatyr. Bul jaıynda Premer-Mınıstr Álıhan Smaıylovtyń Senat depýtattarynyń saýalyna bergen jaýabynda aıtylǵan, dep habarlaıdy QazAqparat tilshisi.

«Memleket basshysynyń tapsyrmasy aıasynda 2022 jyldan bastap azamattyq qyzmetshilerdiń jekelegen sanattarynyń, onyń ishinde ósimdikter karantıni jónindegi memlekettik ınspektorlardyń jalaqysy túzetý koeffıtsıentin qoldanýmen (2022 jyly - 1,23, 2023 jyly - 1,45, 2024 jyly - 1,71, 2025 jyly - 2) kóteriledi. Nátıjesinde 4 jyl ishinde ósimdikter karantıni jónindegi memlekettik ınspektorlardyń jalaqysy 2 ese artady», - delingen Úkimet basshysynyń jaýabynda.

Budan basqa, onyń dereginshe, is-saparǵa jiberilgen ınspektorlarǵa aýdandyq jáne oblystyq aýmaqtyq ınspektsııalardan is-sapar qarajaty, túngi jáne páterlik qosymsha aqy tólenedi.

«Qazirgi ýaqytta ósimdikter karantıni jónindegi memlekettik ınspektorlardyń shtat sanyn ulǵaıtý máselesin múddeli memlekettik organdar pysyqtap jatyr», - deıdi Álıhan Smaıylov.