Ósimdik sharýashylyǵyn tehnıkalarmen qamtamasyz etýge 1 trln teńgeden astam qarajat qajet - AShM
Sóz arasynda mınıstr aýyl sharýashylyǵy salasyndaǵy eńbek ónimdiligi máselesine toqtalǵan bolatyn. Onyń aıtýynsha, elimizdegi sýbsıdııa bólý saıasaty sharýalardyń agrotehnologııany engizip, engizbegenine qaramaı bólinedi. Bunyń ózi taýar óndirýshilerdi jańa tehnologııamen, tehnıkamen qamtamasyz etýge yntalandyrmaı otyr. «Máselen, bizde maqta sharýashylyǵymen aınalysatyn taýar óndirýshilerdiń basym bóligi eski tásilmen jumys isteıdi, tehnıkalar jetispeıdi. Kópshilik jaǵdaıda qol eńbegine júginedi, sonyń ishinde qol eńbegine kórshi elderden mıgranttar jaldanady. Al eger osyndaı qolmen atqarylatyn jumystyń gektaryna jumsalatyn shyǵystardy eseptesek, bul shamamen 50 myń teńgeden artady. Eger, sharýalar osynyń ornyna arnaıy kombaındy paıdalansa, onda onyń amortızatsııasyn, kombaınshynyń eńbekaqysyn, tehnıkanyń barlyq shyǵyndaryn esepke alǵannyń ózinde gektaryna 12-14 myń teńgeni quraıtyn edi. ıAǵnı, taýar óndirýshi qarapaıym jınaıtyn tehnıkanyń joqtyǵynan ár gektardan 40 myń teńgege deıin joǵaltyp otyr. Biz mundaı sebetin, otaý sekildi maýsymdyq jumystardy atqaratyn tehnıkalar týraly aıtyp otyrǵan da joqpyz», - deıdi A. Mamytbekov. Osy rette vedomstvo basshysy sýbsıdııalardyń qazirgi kúni tehnologııalyq jaraqtanýǵa, sonyń ishinde zamanaýı tehnıkalar ıelenýge esh áser etpeı otyrǵanyn alǵa tartady. «Qazirgi kúni tek ósimdik sharýashylyǵy salasyndaǵy tehnıkamen jaraqtandyrýǵa qajettilik 1 trln teńgeden asady. Bizdiń esepteýimizshe bul soma 1 trln. 200 mlrd teńgeden asady»,- dedi ol.