Ósimdik sharýashylyǵy salasyn qoldaýdyń jańa tetikterin ázirleý josparlap otyr - QR AShM
ASTANA. 8 mamyr. QazAqparat - Qazaqstan Respýblıkasy Aýyl sharýashylyǵy mınıstrliginde vedomstvo janyndaǵy Іskerlik keńestiń birinshi otyrysy ótti.
Mınıstrliktiń baspasóz qyzmetinen habarlaǵandaı, alǵashqy kezdesý barysynda Іskerlik keńes qyzmetiniń tıimdi uıymdastyrylý suraqtary, sondaı-aq Qazaqstan Respýblıkasy Aýyl sharýashylyǵy mınıstrligimen usynylǵan aýylsharýashylyq taýarlardy óndirýshilerge memlekettik qoldaýdyń jańa túrleri talqylandy.
Іskerlik keńestiń birinshi otyrysy memleket pen bıznes arasyndaǵy dıalog alańy retinde qalyptasty.
Atap aıtqanda, ósimdik sharýashylyǵyn yntalandyrý úshin Іskerlik keńestiń qatysýshylary aýyl sharýashylyq taýaryn kepildi satylymyn qamtamasyz etilýine, tehnıkany jańartýǵa arnalǵan lızıngtik baǵdarlamalardy arzandatýǵa, aýyl sharýashylyq taýar óndirýshilerge nesıelik resýrstarǵa qol jetimdiligin qamtamasyz etýge baǵyttalǵan salany qoldaýdyń jańa mehanızmderin ázirleýdi josparlap otyr.
Keńes quramynda birqatar jumys toptary qyzmet etip, bolashaqta Іskerlik keńestiń aımaqtyq bólimsheleriniń qurylýy josparlanyp otyr. Bul ózimen birge aımaqtardyń ınvestıtsııalyq tartymdylyǵyn joǵarlatatyny sózsiz. Jumys toptary ınvestıtsııalardy tartý, aımaqtarmen jumys, etti jáne sútti mal sharýashylyǵynyń, astyq naryǵynyń, agrarlyq ǵylymnyń, azyq-túlik beldeýiniń jáne t.b. damýy sekildi AÓK damý baǵyttaryn qarastyrady.
Іskerlik keńes quramyna osy negizde san alýan toptardyń qyzyǵýshylyqtarmen pikirlerin biriktirýge jáne birqatar suraqtardy talqylaýǵa múmkindik beretin bıznes uıymdardyń beldi ókilderi shaqyryldy.
Іskerlik keńestiń otyrysy barysynda Qazaqstan Respýblıkasy Aýyl sharýashylyǵy mınıstri Asyljan Mamytbekov: «Qazaqstannyń agrarlyq salasynyń biregeıligi salanyń barlyq óndirisi jeke menshikte bolýy, al onyń damý startegııasyn memleket tarapynan QR Aýyl sharýashylyǵy mınıstrligi anyqtaıdy. Osy turǵyda durys sheshim qabyldap, birlesip jumys isteý mańyzdy», - dep atap ótti.
Mınıstr Іskerlik keńestiń qyzmeti QR AShM qyzmetkerleriniń jumysyn jandandyrady dep atap ótken. Olardy baǵalaý qyzmetteriniń negizinde Іskerlik keńes ókilderiniń tarapynan Mınıstrlik sheneýlikteriniń reıtıngtik baǵasyn jasaýǵa múmkindik týady.
Sonymen birge, Іskerlik keńes ókilderi halyqaralyq yntymaqtastyq máselelerinde de mańyzdy ról atqarýy múmkin. Jumystyń basty baǵyty - Kedendik odaq sheńberindegi yntymaqtastyq jáne Birińǵaı ekonomıkalyq keńistik, halyqaralyq alańdarda Qazaqstannyń agrarlyq bıznestiń múddelerin qorǵaý.
