Osy jyly dári-dármekti asyra ústeme baǵamen satqan dárihanalar anyqtaldy ma
ASTANA. KAZINFORM — Bes jylda dárilik jáne medıtsınalyq zattardyń shekti baǵasyn asyrýdyń myńǵa jýyq deregi tirkeldi. Bul týraly Densaýlyq saqtaý mınıstrligi málim etti.
- QR DSM Medıtsınalyq jáne farmatsevtıkalyq baqylaý komıtetiniń derekterine sáıkes, 2020–2024 jyldary dárilik zattar men medıtsınalyq buıymdardyń shekti baǵasyn asyrý boıynsha 940 derek anyqtaldy, 248,7 mln teńgeden astam aıyppul salyndy. 2024 jyly 7 derek boıynsha 1,5 mln teńge aıyppul jazyldy, - delingen Densaýlyq saqtaý mınıstrliginiń Kazinform agenttigine bergen jaýabynda.
Vedomstvo aqparatyna qaraǵanda, 2025 jyldyń birinshi jartyjyldyǵynda shekti baǵany asyrý faktileri anyqtalmaǵan.
Budan buryn habarlanǵandaı, bıyl jazda Básekelestikti qorǵaý jáne damytý agenttigi dári-dármek naryǵyndaǵy básekelestik jaǵdaıǵa taldaý júrgizetinin jazǵan edik.