Osy qarashada Qazaqstan halqynyń sany 20 mıllıonǵa jetedi - statbıýro

Halyq sany 20 mıllıonǵa jaqyndap qaldy, dep habarlaıdy Kazinform ulttyq statbıýroǵa silteme jasap. 

1 qazandaǵy jaǵdaı boıynsha halyq sany 19 967 964 adamdy qurady, onyń ishinde qala turǵyndary – 12 387 957 adam, aýyl turǵyndary – 7 580 007 adam.

Jyl basynan beri halyq ósimi 1,02% nemese 201,1 myń adamdy qurady.

Halyq sanynyń eń joǵary ósý qarqyny Astana (4,06%) men Almaty (2,28%) qalalarynda jáne Mańǵystaý oblysynda – (1,94%).

Halyq ósiminiń bıylǵy qarqynyn eskersek, 20 mıllıon adam kórsetkishi 2023 jylǵy qarashada bolady dep kútilip otyr.  

Halyqtyń tabıǵı ósimi esebinen, ıaǵnı týý jáne qaıtys bolý derekterin eskergende, halyq sany 194 753 adamǵa ósti.

Kóshi-qon ósimi esebinen halyq sany 6 404 adamǵa kóbeıdi, bul saldonyń oń ekenin kórsetedi.

Halyqtyń tabıǵı qozǵalysy esebinen ósýdiń eń joǵary qarqyny Túrkistan oblysynda baıqaldy, onda halyq sany 34 097 adamǵa, Shymkent qalasynda 19 242 adamǵa, Almaty oblysynda 18 251 adamǵa ósti.